| Rehab's profileRehab's spacePhotosBlogLists |  Tools  Help |
|
June 26 رحاب والذئاب..!!السيناريو ده موجود كده بالظبط فى كل المسلسلات المصريه...هى المفروض اسمها حنان والذئاب بس رحاب والذئاب احسن طبعآ المشهد الأول:
يبدأ المسلسل بغرفه متواضعه وفى نص الغرفه تجلس سيده عجوزه على سجاده الصلاه فى وضع ختام الصلاه وفى الخلفيه سرير تنام عليه البطله التى تجاوزت الخمسين من العمر ولكنها مازلت تؤدى دور الطالبه الجامعيه.
الأم:السلام عليكم ورحمة الله..السلام عليكم ورحمة الله,وترفع رأسها للسماء تدعو لبنتها بالزواج
ثم تتجه للسرير لتوقظ ابنتها...حنان (يا سلام على الأسماء..حنان ومحد يش يصحينى كر كر كر كر كر)قومى يا ضنايا روحى الجامعه..دى الدكتوره سلوى اتصلت بيكى 6 مرات عشان اتأخرتى عالمحاضره(ده على اساس ان الدكتوره سلوى دى بتتصل بكل واحد بيتأخر؟! يس تقول ايه بقى الناس كلها بتحب حنان)
ولما هى اتصلت ست مرات مصحتيش البت من بدرى ليه يا ست انتى)..ما علينا المهم
حنان:حاضر يا ست الحبايب يا احلى ام فى الدنيا
الأم:يا حنان يابنتى احنا ناس على اد حالنا..فتوطى حنان طبعا على ايد امها تبوسها وهاتك يا عياط(ده كله عشان صحيتها تروح الجامعه؟!بس برضوه عايزين نقول ان حنان ملاك)
المشهد الثانى:
تنتقل بنا الكاميرا الى القريه(طبعآ لابد من وجود القريه فى اى مسلسل عربى)
حيث تقف الفنانه بحر الدموع وسط القريه وهى تصيح:مالكو يا اهل البلد؟مالكو يا اهل كفر الفنتوش؟(مين الفنتوش ده؟)هتفضلو ساكتين عالظلم ده لحد امتى؟لحد امتى هتسكتوا على عواد العمده وهو بيسرق المعيز بتاعتكو؟!متتكلم يا سالم
سالم:انى اتكلمت كتير يا هنيه..الدور والباقى على رجاله الكفر اللى ساكتين لعواد العمده..
فى هذه اللحظه التاريخيه يظهر بهلول مجذوب القريه وهو يردد حيي كله بامره..كله بامره(ركزوا معايا عشان بهلول ده هيطلع فى الأخر مفاجاه)
المشهد الثالث:
تنتقل بنا الكاميرا الى فيلا شريف بيه ابو الخير(رجل الأعمال الطيب طبعا)وهو بيكلم ابنه عادل:
ايه اخبار المصنع ياباشمهندس؟؟
عادل:كله تمام يابابا بفضل حضرتك طبعا
الأب:لالالا متقولش كده ده كله بفضلك انت ياباشمهندس(ايه العيله دى امال فين فضل ربنا؟!)
ده انت من ساعت مامسكت المصنع اما اتخرجت السنه اللى فاتت والأرباح زادت 300%(ولسه متخرج السنه اللى فاتت بس!!!!!!!!!)
اه مقلتليش عملت ايه مع العامل ده عم صالح اللى الشوكه دخلت فى صبعه امبارح؟؟
عادل:ابدا اقل حاجه ممكن تتعمل طلعنا الشوكه من صبعه واديته باقى الأسبوع اجازه و20000 جنيه تعويض(طبعا واضح ان عادل هو الملاك الثانى فى المسلسل واكيد هيتجوز رحاب فى الأخر..قصدى حنان يعنى
 )الأب ينظر لإبنه فى حنان قائلا:عمرك ما هتتغير..!!
المشهد الرابع:
تعود بنا الكاميرا الى القريه ولكن الى بيت عواد العمده الظالم وهو ينادى بسطويسى الغفير (دايما كده الغفير اسمه بسطويسى)روح ياولا اندهلى شيخ الغفر
بسطويسى:حاضر يا جناب العمده ثم يعود ومعه شيخ الغفر وكأنه كان واقف على الباب!!
العمده الشرير:تروح انت وبسطويسى وبقيه الغفر تسرقو لى المعيز والدهب والياقوت والمرجان من بيوت الفلاحين(ما هى اصلها سايبه)
العمده يضحك ضحكه شريره ويقول:اما وريتك يا هنيه!!(طب ايه اللى جاب سيره هنيه دى دلوقتى؟؟ما طبعا اللى بتمثل دور هنيه الفنانه الكبيره بحر الدموع فلازم كل اللى فى المسلسل يحبوها وهى طبعا مش طايقاه )
المشهد الخامس:
تنتقل بنا الكاميرا الى بيت (رشدى بيه ابو الشرور) رجل الأعمال الشرير فى المسلسل طبعا وهو يقول للسكرتيره:قوللى يا مديحه(برضوه السكرتيره لازم يكون اسمها مديحه وهيتجوزها على مراته)
ايه اخبار شحنه اللحمه المسممه اللى فى الجمارك؟
مديحه:طلعت من الجمارك يا رشدى بيه وكلها كام يوم وتغرق السوق
رشدى:وايه اخبار شحنه العربيات اللى من غير فرامل اللى هنستوردها من ايطاليا عشان تعمل حوادث بالناس وتموتهم؟؟
مديحه:قلت لك اتطمن يا رشدى بيه كل حاجه ماشيه مظبوط
رشدى:طب ماتنسيش تتصلى بالدكتور نادر مدير المستشفى بتاعتى وتقولى له يخنق 6 من المرضى اللى عنده لحمد مايموتوا(راجل اعمال شرير بقى)
مديحه تبتسم فى خبث:اوامرك يا رشدى بيه
طبعا تتخرج حنان من الجامعه وتشتغل على طول صحفيه(عشان تريح ست الحبايب بقى) فى جريده محترمه(امال احنا مش لاقيين شغل ليه؟)
ويكون همها هو مطارده رشدى بيه ابو الشرور..واثناء انتظارها للأتوبيس هى و صاحبتها وفاء(شوف الأسماء)يمر عادل بسيارته الفاخره فيقف لهما (من دون خلق الله اللى على المحطه كلهم..ماهى حنان بقى)
ويقول لهم"اتفضلو لما اوصلكو" فيركبوا معاه كده بسهوله (وطبعا حنان هى اللى قعدت ادام جنب عادل) ومن غير ما يسأل هما رايحين فين (هى مصر يعنى اد ايه وعلى اعتبار برضوه ان الدنيا ضيقه اد كده)
المهم..بعد فتره سمعنا عادل بيقول: يااااااااااااه معقول كل ده حصل!!(ما هى حكيت له قصه حياتها..مش وصلها ببلاش بقى!)
حنان:واكتر من كده يا استاذ عادل..قصدى ياباشمهندز عادل
ده كان ملخص لأحداث اول 45 حلقه بس..
المهم يفضل الأشرار عايشين حياتهم عادى مبسوطين وسعداء لحد اخر 5 دقائق فى الحلقه 86 الأخيره بقى..
المشهد السادس:
حنان تروح بقى للبوليس ومعاها المستندات اللى تودى رشدى بيه ابو الشرور السجن..
وفجاه يكتشف عادل ان اصلا اساسا من البلد(كفر الفنتوش يعنى)..وانه وهو صغير كان عنده خروف عواد العمده خنقه لحد ما مات ولما اكتشف عادل الحقيقه المفجعه دى بلغ البوليس اللى على طول راح قبض على عواد
وهنا تنكشف الحقيقه بقى... عواد يعترف فى البوليس ان رشدى بيه ابو الشرور هو الراس الكبيره تاتا تا تاااااااااه(دى موسيقى تصويريه طبعا)
ويعترف ان رشدى هو اللى كان بيساعده فى تهريب المخدرات!!(مخدرات ايه؟؟هو حد جاب سيره مخدرات؟؟)
المشهد اللى قبل الأخير:
فى قسم البوليس يتقابل عواد ورشدى (شوف حكمه ربنا..مصر مفيهاش غير قسم واحد)ويقول رشدى لعواد:عملتها يا عواد؟
عواد:امال كنت عايزنى اشربها لوحدى يا رشدى بيه!!
ولما يدخلو عند البيه الظابط بقى يطلع مين يا ترى؟؟
يطلع بهلول المجنون اللى كان فى كفر الفنتوش...تاتاتاتاتااااااااااااه
المشهد الأخير بقى(يا مسهل يا رب):
حنان تتجوز عادل اللى هيقرر يعيش فى كفر الفنتوش ويبقى هو العمده(وفاء وإخلاص للخروف بتاعه)وساب المصنع بتاع ابوه يتحرق بقى
اما ابوه شريف بيه ابو الخير فاتجوز ام حنان(ست الحابيب يعنى)..
والمفاجاه الكبرى بقى..ان هنيه(الفنانه الكبيره بحر الدموع) اتجوزت مين؟؟
اتجوزت بسطويسى الغفير!!
والى القاء فى الجزء الثانى بقى,,,,,,
June 23 wama el donya ella kes JellyColla kabeer..!Ta3keban 3la nazrya 3lmya 3azema kont aretha(7elwa ta3keban dy kant bet2ol eh elnazrya??bet2ol:(wama el donya ella kes JellyColla kabeer)fel3an kalam manteky gedan la2en fe3lan kes el JellyCola dah ramz 7a2e2y le 7aytna..ya3ny maslan..lama negy nafta7 kes el jellyColla hat3raf eno keda ya7`las hay7`las..zay 7aytna belzabt awel mebetbda2 yab2a aked yawman ma hat7`las hat7`la..telk mokdema mantekya wa esthlal labod meno.. wa laken el so2al hana ba2a elly lesa ma7desh etwsalo la7ad delw2ty yatara el donya zay kes el JellyColla elly be rob3 geneh??wala elly be 50 ersh??? wal benesba ba2a le azayez el JellyColla nafsha..fa fe3lan betomsel el mawkef almo2sera fe 7aytna..dy 7akeka wad7a tab3an lel game3..wa laken el 3`er wade7 ba2a en alazyez mesh zay ba3deha..wa sabt kaman beltagroba el 3amlya enhom fe3lan mesh nafs el ta3m..kol da meotfeka 3lya..laken no2tet el 7`elaf hana ba2a.. eshme3na kes JellyColla???leah meyb2ash kes chipsy belgebna maslan?!! wa teb2a(wama el donya ela kes CHIPSY bel gabena kabeeer) wa mazal el 7`elaf ka2em 7ata alan,wa da2eman lel 7ades bakya.. wa zorona tagedo maysorkom!!
June 20 You are my best!!men shwya la2et 7aga keda kont nasyaha 7`alas,cart gally sanat 2001 ya3ny men 7awally 5 senen kan fe 3ed melady maktoob fe eh??
they came complaining 2 me
i see u asking who..well i`ll tell u
here is the sun saying..i can`t bear anymore,every time she showed up she looks brighter than me
I said what shall we do?!
she`s the mighty brighty RUBY..
then the moon came saying ..Ican`t bear anymore everytime she`s there she looks much more beautiful than i do
I said what shall we do??!!
she`s the beauty cutie RUBY..
the word Ruby means a precious stone..but my Ruby is a different tone
that turned my whole life 2 a beautiful song!!
wa fe a7`er el card maktob notes keda:I just wanted 2 say that i love you..
ana now i can say u r my best best friend,I love u awyyyyyyyyyyyyyyyyyyyyyyyy |
There are no categories in use.
|
||||
)|
|
